HEKIMA NA BUSARA

Kijana akiwa mjinga, msichana akiwa zuzu, Siku wakioana, watazaa majambazi wa kizazi. Nimekukumbusha, sipendi kupewa ushauri, Kabla hujanihukumu, angalia uliposimama. Sijakuweka wazi, ushauri wako ni wa nini? Ebu punguza maneno, acha hizo kelele nyingi. Kiereere, usinipime kwa macho ya nje, Kila mtu ana safari, kila mtu ana njia yake.

Mimi sifanyi beef na mtu asiye na ajira, Mimi ni boss mwenyewe, mwisho wa mwezi najilipa. Sijaingia Illuminati, japo nyuma kulikuwa giza, Nimejenga njia yangu, sikuwa na mtu wa kuniongoza. Unaniuliza kila siku, vipi umetoboa? Punguza maswali ya kitoto, maisha si mchezo wa kuigiza. Nilipanda kwa juhudi, sikutegemea miujiza, Leo nimesimama imara, hata upepo ukivuma.

Mbona unaniuliza kati ya Waislamu na Wakristo? Mungu anasikia wote, si suala la kushindana. Kamulize baba yako, mimi nasifu Muumba, Aliyenipa pumzi, ndiye anayenifanya niimbe. Eti mbona niko busy, sina time ya marafiki? Napenda kujituma, sipendi kutumwa kila siku. Huwezi kuwa kiongozi kama hujui kujiongoza, Ukitaka kutawala, anza kwanza kujisimamia.

Eti mpenzi wako amekumiss, mwambieni dada yenu, Nimechoka kudanganywa na mapenzi ya unafiki. Sitaki tena ahadi zinazovaa sura ya upendo, Moyo umechoka kubeba maumivu yasiyo na mwisho. Vipi kuhusu siasa? Afadhali niwe pastor, Kuliko mwanasiasa mwenye tumbo lisiloshiba. Wengine wanatafuta vyeo, wengine wanatafuta pesa, Wakati mwananchi analala bila chakula mezani.